Red tide toxins ha Matarinao Bay, nagpapas na!

Nagpapas na an red tide toxins ha Matarinao Bay subay han monitoring han Bureua of Fisheries and Aquatic Resources (BFAR) ha rehiyon.

Sanguniang Panalawigan han Leyte ginrekognisar an Radyo Diwa Tacloban!

Gindayaw han Sanguniang Panlalawigan han Leyte an Radyo Diwa Tacloban ha nagin papel han station durante han nahinabo nga kalamidad hadton nakalabay nga semana. 

IRA han 3 nga mga bago nga ciudad balor munisipyo la gihapon!

Nagpapabilin nga balor munisipyo la gihapaon an nakukuha nga Internal Revenue Allotment share han 3 nga mga bungto nga naibalik ha pagigin ciudad pinaagi han ginpalusad nga bago nga desisyon han Korte Suprema.Han nakahimangraw kakulop nga adlaw hi Aleli Hernandez, chief budget management specialist han department of budget and management ha rehiyon, mismo an DBM central office an nagmando ha regional office nga dire igrelease an city-based IRA share han 3 nga mga bago nga ciudad.


Ine in mahitungod nga waray pa pinal nga desisyon an Korte Suprema ha cityhood status han 16 nga mga bungto lakip an Baybay, leyte, Boronggan, Eastern Samar ngan Catbalogan, Samar nga gintipahan naman han League of Citites of the Philippines pinaagi hin pagsaluwad hin panibago nga motion for reconsideration.

Relief Operation han Ayuda531 han Radyo Diwa ha palo, Leyte malinampuson!

Nagin malinampuson an gindumara nga relief operations han Radyo Diwa Tacloban ha usa nga baranggay ha bungto han Palo, Leyte hadton Sabado nga adlaw.

29mil nga mga pamilya ha rehiyon 8 naapektuhan han baha!

Maabot ha 29, 358 nga mga pamilya ha bugos nga Sinirangan Bisayas an apektado han pagbabaha ngan pagtimpag hin tuna nga nahinabo ha rehiyon.

Suplay hin tubig ha Tacloban umubos ha 50% sigun han LMWD!

Umubos yana ha 50% an water supply ha ciudad han Tacloban ngan pira nga mga lugar mahitungod ha ginbubuhat yana nga disilting process han Leyte Metropolitan Water District.

AYUDA531 han Radyo Diwa, magbubuhat hin mga relief operations!

Nakatalaan magbuhat hin mga relief operations an Radyo Diwa ha ciudad han Tacloban ngan ha pira nga mga baranggay han bungto han Palo, Leyte nga duro naapektuhan han kalamidad.

Klase ha mga public elementary schools suspendido ha Tacloban!

Suspendido an ngatanan nga mga klase ha mga pampubliko nga eskwelahan ha ciudad han Tacloban.

Mga national highways ha bugos nga rehiyon, hapsa pag-agian!

Nagpapabilin nga passable o maaagian an mga kakalsadahan ha bugos nga rehiyon ha luyo han sigidas nga paguuran ngan insedente hin pagtimapg hin tuna an nahinabo ha bugos nga Sinirangan Bisayas.

9 na an patay dara han kalamidad ha rehiyon 8!

land slide in Brgy. Cabalawan, Tacloban City

Umabot na ha 9 an patay dara han sigidas nga paguuran nga nagresulta hin pagbabaha ha bugos nga rehiyon.

Biliran Rep. Espina kampante nga magigin paborable ha iya an manual recount ha mga botos!

Kampante hi Biliran Rep. Roger Espina nga magigin pabor ha iya an ginbubuhat yana nga manual recount han mga botos ha mao nga probinsya han mga botos ha congressional election hadton Mayo 10, 2010 nga election.

Katungod SB nanawagan nga buwagun na an 19th IB

Usa nga grupo an nanananwagan nga ig-disband o buwagon na an 19^th Infantry Batallion.

FM Romualdez, posible maimbitahan ha impeachment proceedings ni Gutierrez!

Posible nga maimbitahan nga magin testigo hi Leyte 1^st district Rep. Ferdinand Martin Romualdez ha impeachment complaint ala kontra kan Ombudsman Mericiditas Gutierrez.

Upat nga mga OFWs nga taga-region 8, talwas ha Libya!

4 pala nga mga Oversease Filipino Workers ha Libya nga taga-Sinriangan Bisayas an nakakarawat nga ihap han Overseas Workers Welfare Administration ha rehiyon nga talwas ha Libya.