9 na an patay dara han kalamidad ha rehiyon 8!

land slide in Brgy. Cabalawan, Tacloban City

Umabot na ha 9 an patay dara han sigidas nga paguuran nga nagresulta hin pagbabaha ha bugos nga rehiyon.



Ha pinakalatest nga datos han Office of the Civil Defense (OCD) ha Sinirangan Bisayas, 8 hine nga mga kasualidad in nagtikang ha Tacloban samtang an usa naman nga waray pa kakikilala nga biktima in tikang ha bungto han Palo, Leyte.

An mga biktima ha Tacloban dara han landslide in 7 nga mga miyembro han pamilya Jordan ha Brgy. Cabalawan; Leo Espina ngan Armando Buticarlo han mao nga ciudad.

land slide -Brgy. 3 Upper Nula-tula, Tacloban City

Ginpahayag ni Rey Gozon, assistant regional director han OCD-8 nga nagpapabiln naman an 15, 398 nga mga pamilya an apektado dara han kalamidad ha bugos nga rehiyon 8.