Posible nga maimbitahan nga magin testigo hi Leyte 1st district Rep. Ferdinand Martin Romualdez ha impeachment complaint ala kontra kan Ombudsman Mericiditas Gutierrez.
Han nakahimangraw han Radyo Diwa kakulop nga adlaw hi An Waray Rep. Florencio Bem Noel, chairman han Committee on Accounts, ginpahayag hine nga usa ha mga grounds o nagin basehan han Kongreso nga igduso an impeachment complaint amo an kawarayan action hine ha mga kaso kabahin ha kontrobersiyal nga New York dinner ha adminsitrasyon pa ni hadto anay Pres. Gloria Arroyo.
Kun manunumduman, hi Romualdez in nag-host hin usa nga dinner ha New York ha delegasyon han adminsitrasyon nga bumisita ha Estados Unidos hadton tuig 2009 lakip dinhe hi Arroyo kun diin 20 mil dolyares an nagasto han kongresista o maharani uno milyon ka pesos.
Igindugang pa ni Noel nga an testimonya ni Romualdez in importante kaupay nga posible liwat magduso hin panibago nga impeachment complaint kontra kan Arroyo nga yana kongresista han Pampanga.
No comments:
Post a Comment