Nagpapabilin nga balor munisipyo la gihapaon an nakukuha nga Internal Revenue Allotment share han 3 nga mga bungto nga naibalik ha pagigin ciudad pinaagi han ginpalusad nga bago nga desisyon han Korte Suprema.Han nakahimangraw kakulop nga adlaw hi Aleli Hernandez, chief budget management specialist han department of budget and management ha rehiyon, mismo an DBM central office an nagmando ha regional office nga dire igrelease an city-based IRA share han 3 nga mga bago nga ciudad.
Ine in mahitungod nga waray pa pinal nga desisyon an Korte Suprema ha cityhood status han 16 nga mga bungto lakip an Baybay, leyte, Boronggan, Eastern Samar ngan Catbalogan, Samar nga gintipahan naman han League of Citites of the Philippines pinaagi hin pagsaluwad hin panibago nga motion for reconsideration.
Ine in mahitungod nga waray pa pinal nga desisyon an Korte Suprema ha cityhood status han 16 nga mga bungto lakip an Baybay, leyte, Boronggan, Eastern Samar ngan Catbalogan, Samar nga gintipahan naman han League of Citites of the Philippines pinaagi hin pagsaluwad hin panibago nga motion for reconsideration.
Ginpahayag pa ni Hernandez nga yana nga tuig in mayada masobra P142 milyunes nga tentative IRA share an Baybay; P107 milyunes para ha Boronggan, ngan P119 milyunes ha Catbalogan, Samar.
Nabaruan nga yana nga Marso 24, Huwebes nga adlaw, in nakatalaan igrelease han DBM regional office 8 an nasasalin nga 20% han IRA share han mga bungto ngan ciudad ha rehiyon kun diin nauna na dinhe nga ginhatag han DBM an 80% IRA hadton nakalabay nga semana yana nga bulan.
No comments:
Post a Comment