Suportado han mga higtaas nga opisyal ngan kapadrian han Franciscans International an election protest nga iginsaluwad ha House of Representatives Electoral Tribunal o HRET ala kontra kan Cong. Rogelio Espina.
Subay han nahikay nga impormasyon, pumirma hin usa nga manifesto an mga kapadrian ngan mga madre partikular na an 39 nga mga higtaas nga opisyal ha magkadurudilain nga nasud han Franciscans International nga nagduduso hin usa nga manual recount ha mga botos ha Biliran.
Hira Father Santosh Ekka han Mumbai, India; Brothers Tomas Matthew ngan Selwyn Suma han Sri Lanka ngan Papua New Guinea in nagpahayag hin ira pagsuporta ha mga molopyu han Biliran ha usa nga transparenisya ngan patas nga election.
An 39 nga mga delegado nga pumirma han manifesto in nagtikang ha Switzerland, Thailand, Indonesia, Sri Lanka, Papua New Guinea, New Delhi, India, Myanmar, West Papua ngan ha Philippines.
Kun manunumduman, nagin mapaso an piniliay ha mao nga probinsya ilabi na ha pagtaga-kongresista mahitungod ha ginaalegar nga mga panlimbong han kampo ni Espina kontra kan Glenn Chong.
Usa naman nga grupo hin mga kamadrian an nagdumara hin usa nga fund-raising campaign agud mahimugso an petition ha HRET.
aw klaro gudman nga my limbong ky damu man naasuporta..
ReplyDelete