Padayon nga nakalerto yana an Philippine National Police (PNP) ha probinsya han Eastern Samar kahuman han ambush incident hadton Sabado nga adlaw ha bungto han Arteche nga ginaaelgar ginbuhat han rebelde nga grupo nga New People's Army (NPA).
Sumala kan Police Sr. Supt. Manuel Cubillo, PNP provincial director, ginmanduhan na hira ni PNP chief regional director Arnold Revilla nga magpabilin ha high-alert status agud malikayan an possible nga panibago nga pag-atake han rebelde nga grupo.
Hadton Sabado nga adlaw in patay hi Police Insp. Al Tantiado, hepe han Regional Public Safety Batallion, han ine in nagresponde han ambush kataliwan la nga mabutuhan hin landmine an ira sinasakyan nga behikulo samtang an iba naman nga upod ha entourage ni Arteche Mayor Rolando Evardone in nagpapabilin nga ada ha kritikal nga condition.
Igindugang pa ni Cubillo nga an pagatake han NPA an pinakalatest nga nahinabo ha rehiyon kahuman han usa ka semana nga ceasefire nga nagtikang hadton Pebrero 21.
No comments:
Post a Comment