Maabot ha 29, 358 nga mga pamilya ha bugos nga Sinirangan Bisayas an apektado han pagbabaha ngan pagtimpag hin tuna nga nahinabo ha rehiyon.
Ha datos nga ginpagawas han Office of the Civil Defense ha rheiyon, an probinsya han Leyte in may pinakahitaas nga ihap han mga apektado nga pamiya nga umabot pa mismo ha 27, 780.
Kaurugan hine nga mga lugar amo an Tacloban,Palo, Alangalang, Sta. Fe ngan pira nga mga bungto ha uno ngan Segundo distrito han Leyte.
Maabot naman ha 944 nga mga pamilya an apektado han pagbabaha ha Samar; 106 nga pamilya ha Northern Samar; 278 ha Eastern Samar ngan 250 nga kabalayan ha southern leyte.
Igindugang pa han datos han OCD-8 nga masobra ha P4 milyunes an nagin initial nga danyos ha imprastraktura samtang umabot naman ha P7.5 milyun ha aspeto han agrikutlura.
No comments:
Post a Comment