Listen and Watch with our Live Streaming

Ayuda 531 Radyo Diwa Relief Operation-Nula-tula Brgy. 74,

AYUDA531 Relief Operation at brgy. Libertad, Palo, Leyte

Followers

Friday, March 18, 2011

AYUDA531 han Radyo Diwa, magbubuhat hin mga relief operations!

Nakatalaan magbuhat hin mga relief operations an Radyo Diwa ha ciudad han Tacloban ngan ha pira nga mga baranggay han bungto han Palo, Leyte nga duro naapektuhan han kalamidad.
Sumala kan Mr. Godofredo Balbuena, station manager nga pinaagi han AYUDA531 in  maniningkamot an istation nga mabuligan adton mga pamilya nga naapektuhan dara han nagpapadayon nga paguuran nga naghahatag hin tarhug hin pagbabaha ngan pagtimpag hin tuna.

An AYUDA531 in usa nga programa han Radyo Diwa ha pakikipagsumpayan ha pira nga sektor han sociodad nga may panuyuan nga mabuligan o matagan hin ayuda adton mga molopyu han rehiyon nga duro an panginginahanglan.

Hine nga kalamidad, maabot na ha 10 mil o 53, 951 nga mga indibidwal ha 45 nga mga baranggay han Tacloban an apektado samtang 206 naman nga mga baranggays an lubog ha tubig-baha ha bugos nga probinsya han Leyte subay han datos han mga otoridad.

Dako naman an pagpapasalamat ni Balbuena hadton mga nagpaabot hin donasyon ha Radyo Diwa sugad man hadton boluntaryo nga bumulig ha pag-repack han mga relief goods ngan mga used clothing.

Pero padayon nga nananawagan an istasyon ha ngatanan nga may kapas ngan mga bulawanun nga kasingkasing nga maghatag hin donasyon para hadton mga naapektuhan han kalamidad.
 

No comments:

Post a Comment