Kampante hi Biliran Rep. Roger Espina nga magigin pabor ha iya an ginbubuhat yana nga manual recount han mga botos ha mao nga probinsya han mga botos ha congressional election hadton Mayo 10, 2010 nga election.
Han nakahimangraw han Bantay Isyu hi Espina kakulop nga adlaw, ginpahayag hine nga ha initial nga botos nga ginrecount han Commission on Elections in waray may nakita nga panlimbong ha piniliay.
Igindugang pa hine nga ginrerespeto niya an pagsaluwad han election protest han mga kamadrian.
Hi Espina amo an gindeklara nga nagdaug durante han election ala kontra kan congressional candidate Glen Chong.
Ginlalauman naman ni Espina nga matutuhay ine nga problema ngan unta igrespeto an nagin desisyon han regional office han Comelec nga waray limbong nga nahinabo durante han nakalabay nga election.
No comments:
Post a Comment