Gindidiskusyunan na han pira nga mga opisyal han Millinium Challenge Corporation dinhe ha aton nasud an nakatalaan nga implementasyon han pondo nga ira igindonar para ha rehabilitasyon ngan construction han mga kakalsadahan ha probinsya han Eastern Samar.
Ine an malipayon nga ginpahayag ni Rep. Ben Evardone han lone congressional district han Eastern Samar kun diin nakipagistorya na hiya ha kan Mathew Bohn, an MCC country director hadton nakalabay nga semana.
Sumala kan Evardone, nakapag-hire na an MCC hin 2 nga mga foreign consultants nga kompaniya nga mangunguna ha pagplano han implmentasyon.
An 2 nga mga kompaniya in nag-hire liwat hin mga local counterparts kun diin yana nga bulan hin Hunyo in igsasapinal na an engineering plans agud matikangan na an proyekto ha 1st quarter han tuig 2012.
An Estados Unidos pinaagi han MCC in nagdonar hin binilyun-bilyun nga pondo para ha mga kakalsadahan ha Eastern Samar hadton nakalabay nga tuig 2010.
No comments:
Post a Comment