Listen and Watch with our Live Streaming

Ayuda 531 Radyo Diwa Relief Operation-Nula-tula Brgy. 74,

AYUDA531 Relief Operation at brgy. Libertad, Palo, Leyte

Followers

Saturday, February 12, 2011

MGB-8, ginbabasul an mga LGUs nga naapektuhan hin kalamidad!

Maikokonsidera nga usa nga leksyon para ha mga apektado nga mga local government units an nahinabo nga landslide ngan pagbabaha hadin nakalabay nga mga adlaw.
Sigun Mines and Geosciences Bureau regional director Roger de Dios, waray gud magmaan an pira nga mga lugar particular na an probinsya han Southern Leyte  ha nagin insedente hadton tuig 2006 nga Guinaugon landslide.

Man ngani hira in nagrelease hin geo-hazard mapping ha mga LGUs agud matagan hin kaangayan nga impormasyon ngan pahimatngon an mga lugar nga posible maapektuhan hin mga kalamidad lakip na an St. Bernard, Southern Leyte.

Kun manunumduman, naapektuhan an mao nga bungto hin pira nga mga insedente hin pagtimpag hin tuna nga nagbilin hin pira nga indibidwal an patay ngan mga danyos ha kabalayan ngan ha imprastraktura.


Ha pagpagawas han geohazard mapping, ginpahayag pa ni De Dios nga hira in naglalaum na unta nga malilikayan an parehas nga insedente.

Pero ha usa nga interview kan Mayor Rico Rentuza han St. Bernard, gindigunan hine nga hira waray magin pabaya han ira mga responsibilidad.

No comments:

Post a Comment