Usa nga Joint Peace Security Coordinating Councils pinaagi hin Memorandum of Agreement an nahimugso hadin nakalabay nga semana ha butnga han 19th Infantry Battalion han Philippine Army ngan han Philippine National Police (PNP) ha rehiyon.
Ine an nahibaruan kan Police Sr/Supt. Wilson Caubat, hepe han Tacloban PNP, kun diin kaupod an pira nga mga PNP directors han pira nga mga ciudad ngan probinsya in pinirmahan an usa nga pitad kontra ha krimen ngan terorismo ha Sinirangan Bisayas.
Lakip ha mga pumirma han mao nga kasarabutan amo an mga PNP directors ha probinsya han Leyte ngan Southern leyte ngan an ciudad han Ormoc.
An mao nga pagpirmahay in maghahatag hin higayon agud makapag-plastar hin Internal Security Operations an AFP samtang an PNP naman in masentro ha mga anti-criminality nga mga pitad.
Igindugang pa ni Caubat nga an JPSCC in nahimugso subay han nagin assessment han nakalabay nga Mayo 10 nga piniliay kun diin ha koordinasyon han mga kasundaluhan ngan kapulisan in epektibo nga namintenar an pase orden ha rehiyon.
Nakatalaan liwat ipadulot an mao nga pitad ha Maasin ngan ha probinsya han Biliran yana nga bulan han Pebrero.
No comments:
Post a Comment