Naaalarma yana an Tacloban City Hospital ha nahitaas nga kaso hin gastroenteritis ha ciudad han Tacloban.
Sumala kan Dra. Joedina Gumagay, chief of hospital han mao nga pampubliko nga ospital, maabot na ha 95 nga mga indibidwal an nabiktima han mao nga sakit tinikangan la hadin bulan han Enero kun ikukumpara naman hadton nakalabay nga tuig nga may habubu la nga kaso.
An gastroenteritis in usa nga sakit nga nakukuha ha mahugaw nga pagkaon ngan kontaminado nga tubig nga nagreresulta hin pagulul hin tiyan ngan pagsinuka.
Ginpahayag pa ni Gumagay nga hapagkayana in waray pa may naitala nga kasualidad labot nala ha usa nga bata nga waray pa kakukumpirma han mga otoridad nga ginaalegar namatay dara han mao nga sakit.
Nagpahimantgon naman hi Gumagay ha publiko nga paglasuon an iniinom nga tuig agud malikayan an posibilidad nga maapektuhan han nasabi nga sakit.
No comments:
Post a Comment