Nagdonar hin P3milyunes nga cash ngan livelihood assistance an Department of Labor and Employment (DOLE) ha rehiyon ha 12 nga mga barangay ha bungto han St. Bernard, Southern Leyte nga duro naapektuhan han nakalabay nga kalamidad.
Ginkumpirmar ine ni Southern Leyte Field Office provincial labor and employer officer Fe Norma Valuis kun diin an DOLE in nagalotaga hin masobra P1.9 milyon nga cash para ha food assistance; P782mil nga livelihood grant; ngan kadugangan nga P326mil para ha Group Livelihood Grant.
Ginpahayag pa ni Valuis nga an LGU na an mangunguna ha pagdetermina kun ano nga mga panginabuhi an ighahatag ha mga apektado nga pamilya.
Samtang, maabot ha 500 nga mga indibidwal ha mao nga bungto an ginkilala han DOLE nga makakatagamtam han emergency empoloyment nga mabulig ha pagrehabilitar hin pira nga mga imprastraktura.
Igindugang pa ni Valuis nga 72 naman nga mga skilled workers ha sirong han individual livelihood project an makakabenepsyo hin P10mil kada usa ngan 12 pa nga mga indibidwal ha Brgy. Mahayahay an pagtatagan hin welding shop.
No comments:
Post a Comment