Maabot ha gatos nga mga estudyante han Sto. Niňo Primary School ha ciudad han Tacloban an nakatagamtam hin mga libre nga mga gamit pan-eskwela ngan mga ayuda tikang ha Radio Diwa-Tacloban.
Sumala kan Mr. Fred Balbuena, station manager, an outreach program in pamaagi hin pagpapasalamat ngan kaparte ha responsibilidad han station nga maserbihan an komunidad.
Samtang, kaurugan nga mga estudyante nga nakabenepesyo amo in mga tikang ha kablas nga pamilya kun diin kaurugan ha ira in mga nabubuhi pinaagi hin pagbabasura la.
An mao nga eskwelahan ha northern baranggay in usa hadton mga public schools ha ciudad nga dako iton kakulangan ha mga pasilidad rasun kun kayano ine in nagbubuhat hin multi-grade system.
Dako naman an pagpapasalamat ni Ma’am Vivian Escultor, headteacher han pampubliko nga eskwelahan nga hira an napili han Radio Diwa nga magin benepesyaryo han outreach program.
An nasabi nga outreach program han station in kaparte ha pagsalinurog han ika-22 nga pagseserbisyo han Radyo Diwa ha SInirangan Bisayas kumo usa hadton mga nangunguna ha broadcast industry.
No comments:
Post a Comment